周日精神食「娘」:誘人胸間 飽滿嫩白無得彈
日子接近萬聖節,應節嘅恐怖電影接二連三咁上映,當中有部就叫做《靈異空間》,故事講述五個醫生體驗瀕死狀態,以了解死亡係咩感覺!要體驗死亡相信大家遲早都有機會,實在冇此需要,所以不如活在當下。是以,今日《周日精神食「娘」》就搵來三位擁有「誘人胸間」嘅日本寫真美人,一齊用肉眼見識現實世界當中嘅美好啦!

《あなたにフォーリンラブ》
主演:橘花凜
收錄時間:104分鐘
橘花凜擁有迷人嘅正統派美貌以及豐滿而雪白嘅胴體,出道初期一度被譽為寫真天后原幹惠嘅接班人。之不過,原幹惠雖然忙於拍劇,但係喺寫真界一樣曝光率甚高,一直都活於原幹惠陰影之下嘅橘花凜實在難以突圍。近期橘花凜決意突破固有框框,除咗喺寫真演出當中努力挑戰露出極限,亦剪咗個清爽短髮一新形象。喺本作當中,橘花凜以各種細碼窄身打扮,力求將自己已經相當豐滿嘅胸部,擠壓得更加呼之欲出,配埋各種彎身、俯伏動作,炮製出刺激性極強嘅誘人胸間!

《青春のひかり》
主演:青山光
收錄時間:102分鐘
青山光憑住驕人上圍火速成為寫真界寵兒,而青山光嘅另一個身份就係Cosplayer,喺好多Cosplay以及動漫相關活動都可以見到青山光扮成動漫人物登場。不過,喺好多觀眾心目中,對青山光嘅印象就唔係動漫人物而係可愛嘅貓咪!喺本作當中,青山光嘅性感打扮令其酥胸半露,視覺效果極為吸睛!而青山光仲會變身成為女教師,以及最擅長嘅貓貓角色,將性感與可愛一次過送畀觀眾。

《艶るい~En-Rui》
主演:桐山瑠衣
收錄時間:116分鐘
桐山瑠衣曾經因為唔注重保養面孔,搞到被人嫌衰樣,繼而一度消失於寫真界。後來桐山瑠衣決意重奪江山,積極收身又執番靚個樣,成功再喺寫真界發光發熱,出道嘅寫真映像作品更屢屢榮登網站亞馬遜嘅相關銷售榜冠軍添!其實桐山瑠衣喺演出上的確相當落力出賣美色,而其40吋J CUP上圍又真係貨真價實!唔信咩?桐山瑠衣呢部新作當中,就可以見到瑠衣大露東南西北半球,仲會表演出浴以及抹油誘惑,為咗觀眾嘅眼福瑠衣可以話施盡渾身解數。