11月8日，是宅男的大日子，因為這天是「好讚胸部日」（いいおっぱいの日）！甚麼無端端會有這個「節日」？原來11日文讀音是「いい」，8日文讀音是「おっぱい」，合起來也就解作「好讚胸部」（いいおっぱい）了！這一天要做甚麼慶祝？不少女星都會晒胸益大家！其實女星上網晒胸，並非「好讚胸部日」的專利，今日就同大家看看花臣多多的日本人，如何靠雙乳吸晴吧！

果步妙用雙乳

擁有37K巨乳的AV女優澁谷果步，最近喺個人IG上，頻頻上載各種自拍相同片，跟大家分享自己一對K罩杯巨乳究竟有乜嘢用途。若然唔係得佢示範嘅話，真係估唔到原來巨乳不但可以用嚟夾書，仲可以用嚟夾住斜孭袋條帶，夾住收音咪兼騰出兩隻手做其他嘢，夾住個烏克麗麗自彈自唱，或者夾住支牧童笛吹奏。如果覺得一味齋夾嘅話，佢話畀大家知其實可以用嚟做擺放零食嘅細餐枱，變身成飲品杯架，或者擺隻塑膠鴨仔上去玩，甚至可以用對巨乳嚟收藏魔術道具添！事實上，佢喺去年就被日本成人網絡媒體邀請，表演用對巨乳夾住毛筆寫大字。不過公道啲講句，其實巨乳嘅其他用途並唔係果步原創，據講日本漫畫家比村奇石筆下嘅作品，早已出現女角色用巨乳墊嘢嘅情節，日本巨乳女網民便模仿呢條橋喺胸上放手機。

陀螺係咁玩嘅

指尖陀螺係用嚟減壓嘅玩具，不過大家睇到呢位女優咁樣玩指尖陀螺，感覺唔單止好治愈，仲好養眼添！佢就係天木純，最初以偶像女團「仮面女子」成員身份出道，擁有37I上圍嘅佢，先後推出過多本寫真集，並獲得「奇迹的二次元Body」稱號。離團後，佢經常喺IG分享自拍美乳照，憑住「奶上放手機」嘅相片而爆紅。咁都未夠，天木純跟住係分享玩指尖陀螺嘅自拍短片，當然佢唔係放喺手指上玩咁簡單，而係將佢放喺I奶上面，再用小嘴吹動陀螺，等佢喺奶上轉動。呢種咁刺激眼球嘅演出，即時引嚟網民哄動，不但稱呢種玩法只係天木純限定，甚至有人認為佢胸上嘅指尖陀螺應該改名做「咪咪陀螺」添！唔知係咪因為反應相當熱烈，後來純妺再次喺IG表演「咪咪陀螺」嘅絕技，網民反應仍然激烈，梗係啦，阿妹樣子甜美，又有Big爆嘅心口，就算表演幾多次都百看不厭！

火熱人字乳

早前人氣寫真女優倉持由香，則憑住一對33D巨咪引爆「人字乳」嘅熱潮！所謂「人字乳」，先決條件要有一對巨型車頭燈，跟住要準備一件心口開窿嘅泳衣，穿上泳衣之後，胸前一對巨乳展露出「人」字形嘅乳溝，呢種就叫做「人字乳」喇！

話說早前倉持由香喺網上分享一輯為雜誌拍攝寫真時嘅自拍照，同場仲有青山彩、菜乃花、柳瀨早紀及鈴木咲等呢四位同樣擁有巨乳身材嘅寫真女優。由於當日佢哋嘅泳衣係心口開窿設計，個個都露出乳溝，倉持由香稱佢哋所展露出嚟嘅係「人字乳」。就連佢自己都估唔到，呢輯相竟然引嚟日本網民熱烈嘅回響，當中唔少人都稱呢種「人字乳」將會係界定美乳嘅其中一項新標準。

純粹胸部特寫

日本有位女網民Nano喜歡喺個人Twitter同大家分享自己嘅美巨乳特寫自拍照，不過大家唔好心邪，皆因唔會有兩點睇，Nano經常換上唔同服飾示人，如Cosplay服、性感內衣、泳衣及OL服等，款式相當多。雖然睇唔到Nano個樣，但憑住一張又一張既白滑又彈手嘅美乳相，已經叫人心動。齋睇相又點知咪咪好彈手呢？原因好簡單，因為Nano會上載搓波仔片段，顯示出咪咪係幾咁柔軟又富彈性。Nano憑住咪咪特寫成功慰藉男士們嘅心靈，佢嘅Twitter至今已有超過26,000個追隨者。人氣如此強勁，Nano早前喺眾籌網站集資推出個人咪咪寫真集，本來預算眾籌300,000日圓（約HK$21,000），結果僅僅一晚時間，成功籌得2,042,000日圓（約HK$142,940），厲害！巴打們係咪好想買番本返屋企，晚晚慰藉心靈呢？

真美魔女現身

超人氣巨乳網紅叶美香，佢早前應Nitro+邀請，喺東京舉辦嘅Wonder Festival化身成Nitro+虛擬代言女郎Super Sonico，成為展場中最亮麗嘅焦點。須知道Super Sonico本身身材出眾，一對豪乳睇頭十足，而擁有39H巨乳嘅叶美香，論身材絕對勝任扮演Super Sonico嘅任務。不過Super Sonico係一位美少女，點解會搵年屆49歲嘅叶美香嚟扮演呢？理由好簡單，就係佢曾經喺Twitter上分享過扮演Super Sonico嘅自拍照，而且獲得網民一致激讚，因此Nitro+決定邀請佢演出。接近50歲高齡仍能保持呢副波哋，名副其實係美魔女。

Cosplayer變幻球

至於日本美少女Cosplayer「イズ氏」，擁有一張萌味十足嘅娃娃臉，每次玩Cosplay都相當認真，準備各種道具及制服，務求扮得最神似。不過有唔少粉絲卻發現佢嘅胸部時大時細，因而感到十分疑惑。為咗解答大家嘅疑問，「イズ氏」便自爆當中嘅秘密，原來佢每次扮演爆乳女角色時，都會使用5對Nu Bra嚟營造出波濤「胸」湧嘅效果，佢坦言自己天生平胸，扮演貧乳角色絕對冇難度，當扮演爆乳角色時，就會使用Nu Bra疊加秘技，令胸部變得偉大，同時營造出一條深溝。結果粉絲知道真相後，並冇不滿佢裝假狗，反而覺得佢態度專業，表示十分支持添！

女性角度點睇車頭燈？

最後，同大家分享一個有關雙乳的調查。日本新聞網站「Sirabee」最近做咗個關於「我喜愛車頭燈」嘅調查，睇吓日本男女對車頭燈嘅喜愛程度，訪問咗1,400名男女，結果有百分之四十五嘅受訪男士表示超級鍾意車頭燈，有百分之四十二則表示喜歡，從呢個結果嚟睇，證明絕大部分男人都鍾意車頭燈。至於女性方面又點呢？結果發現超級鍾意車頭燈嘅受訪女性僅得百分之六，喜歡車頭燈則有百分之三十，而唔鍾意嘅有百分之四十九，更有百分之十四表示討厭，換言之對車頭燈抱有負面情緒嘅受訪女性超過6成。

此外，調查顯示20至29歲嘅受訪女性，鍾意車頭燈嘅比例超過4成，只係隨住年齡增長卻慢慢減少，而60歲或以上嘅受訪女性鍾意車頭燈嘅百分比更僅得百分之二十五。有40歲嘅女士表示唔鍾意係因為乳房只係身體嘅一部分；另有20歲嘅女士表示，雖然自己擁有分量十足嘅車頭燈，卻因為覺得麻煩而感到討厭。至於調查中表示鍾意車頭燈嘅女性，佢哋會係乜嘢心態呢？一位20歲受訪女士表示，鍾意嘅原因係因為見到比堅尼女郎露出嘅乳溝時，會有心跳加速嘅感覺，亦有受訪女士直言見到又白又大嘅車頭燈感覺好舒服，估唔到佢哋嘅心態同男人一樣喎。