日本設計師石川涼（Ryo Ishikawa）除了是涉谷109系品牌VANQUISH主理人之外，愛好攝影嘅佢亦經常戴上兔仔頭套化名為FR2攝影師，手拎LEICA相機為女生拍攝以女性身體曲線（臀部為主）為題材的情色照片，三年前佢更正式推出潮流品牌FXXKING RABBITS，因為1975年出生嘅佢生肖屬兔，同時兔仔亦是相當積極生殖下一代的動物（《PLAYBOY》以兔頭作標誌亦是以幽默手法作性暗示），所以特別以交配中的兔仔圖案作為品牌標記。

是次FXXKING RABBITS就選址上環THE BOX舉行期間限定店，除了推出一系列簽名式「SMOKING KILLS」設計之外，店內更會發售CLOT x FXXKING RABBITS聯名系列單品，透過將兩個品牌標誌結合演繹出多款玩味服飾，當中Photo Print Tee更是CLOT獨家發售，大家記得早啲去撲兔！