電玩吹兩嘴:勁過黑色沙漠 4K靚景《A:IR》

20171118
東網電視
更多新聞短片
電玩吹兩嘴:勁過黑色沙漠 4K靚景《A:IR》
今時今日「Made in Korea」韓國出品遊戲,無論係內容還是質素,在亞洲以至全球的普及和受歡迎程度,都可以講係處於顛峰時期,例如年初人氣爆燈PC MMORPG《黑色沙漠》,以及上周跟大家介紹過的新作手遊《天堂2M》等。同樣是MMORPG玩法,本周更有生力軍《A:IR》的最新4K宣傳片出爐,高質程度仲勁過《黑色沙漠》咁話!所以今次節目電‧競女繼續同大家關注韓版遊戲資訊啦!
開發知名PC版MMORPG遊戲《TERA》神諭之戰的Bluehole Studio,在今屆韓國遊戲展GStar 2017發表了新作《A:IR》Ascent: Infinite Realm,現場仲釋出4K畫質宣傳片。影片所見遊戲結合奇幻和機械元素,玩家由陸地打到駕駛飛空艇空戰,設定感覺有點似近幾代《Final Fantasy》。戰鬥方面新作展現瑰麗明快的即時玩法,仲有育成元素畀玩家建設村落,甚至是自訂魔獸造型等。講到系統規格,官方建議電腦要配備Core i5處理器、16GB RAM及GTX 970以上顯示卡,睇落都唔算苛刻,作品將於12月在韓國進行封測,期望盡快有港台版本玩啦。
繼續係韓風遊戲作品,由Nexon開發的經典MMORPG遊戲《楓之谷》,最近就以手遊《Maple Story Blitz》姿態在部分亞洲地區上架。作品並非移植自《楓之谷》的傳統玩法,而是將作品中出現過的萌爆角色在今次手遊中登場。《Maple Story Blitz》屬於橫向塔防的即時戰鬥玩法,玩家可以點擊卡片來召喚怪物,從而阻止敵方攻佔大本營,沿途玩家仲可以拖曳角色來行動,對於有玩過SEGA《鎖鏈戰記》的朋友,本作的操控方法可謂大同小異呀。只是現時遊戲仍未有繁體版本,希望盡快有代理洽商營運權啦。
介紹完兩款手遊,電‧競女同大家跟進家用機作品情報。話說上周Xbox One X賣街,可惜護航大作唔多,反而是下載遊戲接連有驚喜,繼《CupHead》之後另一款動作遊戲《Super Lucky's Tale》萌狐歷險記靜悄悄於上周上架,立體地圖動作玩法十足《Super Mario Odyssey》,故事講述萌狐樂奇遇到搶奪「時空之書」的惡貓幫,混亂間連同惡貓齊齊跌進「時空之書」的世界,然後遊戲就展開了。電‧競女試玩過就覺得遊戲性唔錯,至少Xbox比較少好玩的合家歡遊戲,而呢款又支援4K UHD和Xbox One X優化,值得推薦呀!