好眠百科：美女皮膚特別滑 原來靠祼睡？
「祼睡，好衰㗎，人家黃花閏女嚟」。依家呢個年代仲咁保守？有研究話祼睡有好多好處。
先賣個關子，知唔知道點解專家會研究祼睡呢？有傳日本北海道某個村莊流行祼睡，而且好少有人失眠，於是祼睡呢個習慣就慢慢傳開，專家就開始研究喇。
至於祼睡有咩好？首先，祼睡嘅人冇衣服嘅束縛，令人全身放鬆，促進皮脂腺同汗腺分泌，血液循環都通暢啲，從而減少便秘、慢性腹瀉腹痛等疾病。
而外國仲有研究指出，裸睡可以降低體表溫度，令你瞓得更冧，冇咁易瞓瞓下扎醒。瞓得好咗，自然人都精神啲、健康啲啦！
除此之外，祼睡仲有美容效果，當皮膚冇衣服阻隔，祼露嘅部分就能夠吸收更多養分，亦有助促進新陳代謝，有利皮脂排泄再生，皮膚頓時bling一聲，人都冇咁易老！
其實祼睡冇成本，試下又無妨，仲有一點係祼睡有助環保！因為每日可以洗少件衫，慳返啲水呀，有冇道理先？
---------------
是日IQ題：史上邊個跑最快？
.
.
.
.
.
.
答案：曹操，因為一講曹操，曹操就到。