色日精選放送:台妹反攻日本市場

2018年04月16日 18:00
東網電視
更多新聞短片
色日精選放送:台妹反攻日本市場

精選第三位:小巧職員出道
日本AV廠SOD近年好鍾意將公司內嘅宣傳部女職員變成AV女優,實行以白領女郎誘惑大家,歷來下海嘅宣傳部職員有櫻井彩、市川雅美、加藤桃香等,而加藤桃香下海一年之後,最近就宣告引退,至於會係完全引退,定係唔做宣傳部職員則暫時未有消息,但係可以肯定嘅係已經搵到一位出色嘅接班人,佢就係現役宣傳部女職員望月莉沙喇。
據知望月莉沙喺SOD宣傳部工作咗5年,比起加藤桃香呢位青春少女,莉沙面孔比較成熟,但係氣質更似辦公室女郎。至於身材方面,莉沙相當小巧,身高只有4呎10吋,但係上圍卻斤両十足,相信大家都應該幾鍾意佢喇。不過話時話,點解莉沙加入SOD宣傳部5年後至下海呢?有消息指出可能係加藤桃香引退出之後,仲未搵到有質素嘅宣傳部新人加盟,所以就要望月莉沙頂住先,不過咁做都冇錯吖,以莉沙嘅質素應該大有作為啦!

精選第二位:彩美旬果君臨S1
日本咁多AV 廠當中,論到女優陣容,S1絕對堪稱最強,專屬女優包括有天后吉澤明步,又有明日花綺羅,仲有三上悠亞、小島麻奈美、Rion,以及新人王吉高寧寧,上述咁多位女優若果去到其他AV 廠都能夠獨挑大樑成為一姐,如今雲集埋一齊,S1 可以話強大到無人能敵!之不過,S1 一向都好貪心,除咗不斷發掘優質新人,最近更有一項重大收購,呢位女優係現役AV 廠一姐,佢就係床上戰鬥力極強,而且擁有一對極品G 奶嘅彩美旬果喇!
彩美旬果原為AV廠Prestige 一姐,亦係廠方嘅重要支柱,早前佢突然宣告離開呢個由2012 年出道開始就一直效力嘅「娘家」,唔少人都以為旬果好可能會引退,因為話晒佢都已經拍咗6 年AV 咁耐!估唔到旬果一個屈尾十轉投到S1,而轉會後頭炮作品《電擊移籍 彩美旬果初次亮相!》已鐵定於5 月上市,令廣大AV 迷又驚之喜!然而,好多AV 迷都期望彩美旬果能夠同其他天后合作,炮製出精彩共演作品,但係亦有人擔心佢同廠中嘅AV 天后明日花綺羅會「面左左」,因為想當年綺羅都係Prestige 一姐,但係自從彩美旬果加入之後,綺羅就被忽略,之後轉投到S1 發展,家陣可以話兩后相遇,唔知佢哋會化敵為友,定係會清算舊仇呢?

精選第一位:新女優精通多國語言
相信有留意日本AV界動向,應該都會知道最近有台灣妹去日本下海做AV女優,當中包括一位聲稱曾經係台灣藝能團體成員嘅Meimei,另一位係自稱患上「性愛中毒」嘅美少女吳文玲(音譯),而最近AV廠本中喺新作名單中發表一張由台灣妹做主角嘅新作《全身性感帶の台○人のハーフ留學生がAVデビュー》,而呢位台灣妹名叫Vivian Lin,聲稱父親係美國人,母親係台灣人,外表斯文端莊。從作品嘅預覽片中可以見到Vivian身材勻稱婀娜,更吸引嘅係阿妹懂國語、韓文、日文及英文,並且會喺作品中以呢4種語言大講淫語,就算阿妹嘅台妹身份係假嘅,相信亦會為AV迷帶來另一番風味,各位不妨留意一下Vivian Lin喇!