實試Wacom Intuos 水彩畫家大讚反應快

2018年04月17日 11:35
東網電視
更多新聞短片
Caxtoncax表示新繪圖板由於擁有4,096級壓感,反應快之餘,亦能做到細膩的筆觸。

繪圖板對於從事創作的專業人士,如插畫家、攝影師等,就好似左右手一樣,但入門新手若嫌專業級繪圖板太Pro的話,全新Wacom Intuos就係唔錯嘅選擇,而我哋今次請來水彩畫家Caxtoncax即場實試,仲會講講用後感呢。

新一代Wacom Intuos唔單只有Medium和Small兩種不同尺寸,而且提供黑色、薄荷綠、粉紅色三種顏色選擇,粉色明顯係針對女性用家。上一代Intuos繪圖板,用家需要額外購買藍牙配件,不過新版本就內置藍牙功能,開機即可配對電腦,最重要是售價跟上代一樣,另外黑色繪圖板亦提供有線版選擇。Caxtoncax表示:「假如本身屋企有塊專業級繪圖板,而這一塊Intuos的重量就方面,就適合拎出街做Presentation(簡報),又或者做一些輕微改動,加上支援無線系統,叉滿電夠用一日。」

新版本Intuos的壓感亦有大幅提升,由過往的2,048級增加至4,096級,靈敏度和精準度更高,令每筆的感覺猶如真筆一樣。跟機附有一支4K繪圖筆,筆管中備有三支筆尖可替換,根據手感作出調整。除此之外,廠方更免費附送Corel Painter Essentials 6、Corel Aftershot 3、Clip Studio Paint Pro軟件,須視乎繪圖板款式而定。Caxtoncax指出:「我自己本身用開Intuos Pro系列,壓感大約有8,000,而這一塊Intuos的壓感4,000左右,應用在一些入門級軟件上,感覺沒有太大分別,同樣做到細膩的效果,反應速度一樣好快,基本上沒有任何時滯和停頓。」

除了繪圖板外,同場還有Wacom Bamboo Tip觸控筆,最大特色是支援雙頻設計,因此足以對應iOS和Android的手機及平板,換言之能夠跨平台使用,並非支援單一平台,而且充電後能夠連續使用約16小時,相當長氣。

Caxtoncax小檔案:
早上水彩畫家,晚上插畫家。早年多以數碼繪圖創作,2017年開始轉為水彩,現為繪畫老師,身體孱弱,怕痛,正在學習吃素。Facebook:3wwww3