要成為模特兒，樣貌固然重要，但非首要條件，有時形象百變，才可以接拍不同類型的廣告或商演。入行5年的Wayii鄭伊琪擁有姣好臉蛋、苗條身材，時而冷酷性感，時而甜美可人，只要換上不同妝容及髮型，即可出席不同場合。

Wayii是商場活動及產品發布會的常客，她指最Like出席Gadget發布︰「平時我鍾意影相，所以好鍾意試手機同相機的影相功能，每逢有新功能、新型號我都好有興趣想知道同比較！」

問到興趣，她指喜歡烹飪及游水，但估唔到對足球也甚有研究，「世界盃就來開始，最近都接咗個關於世界盃的飲品廣告。球隊我就鍾意阿根廷，因為有阿版張家輝喺入面，即係美斯（笑！），希望佢今屆有好表現啦！」

Instagram：@wayii

Facebook：Wayii鄭伊琪