「食雞」高手實測　手遊配件集合

「大吉大利，今晚吃雞」「嬴咗有雞食！」近期最Hit手遊莫過於簡稱「食雞」的《PUBG Mobile》，不過玩得愈耐，會發覺愈來愈難「食雞」，可能就係欠缺法寶，所以今次就請來了Zeta科卓店長小丁和店員「雞神暉」，由兩位「食雞」高手試玩幾款手遊配件，等你Headshot敵人冇難度！

相比PC版「食雞」，手遊版最大賣點係可以帶出街玩，而全新的飛智Wee 2採用上伸縮手柄設計，輕輕一接即可插入手機，Fit晒任何尺寸，插入手機後搖身一變成為手提遊戲機，而佢另一特點是跟機附有一個轉換器，畀你接駁滑鼠和鍵盤。他們表示：「我個人最鐘意佢本身夠輕便，可以帶出街玩，操控性都流暢又冇Delay，同時間能夠連接Keyboard和Mouse，又能夠喺屋企玩，做到一個手掣有兩種玩法。」

唔少「食雞」玩家都係由PC版玩起，所以滑鼠和鍵盤就是他們的左右手，假如本身習慣使用滑鼠和鍵盤操作，Handjoy K-1鍵盤就絕對適合大家，佢能夠利用藍牙配對手機或平板電腦，另外亦都可以插上平時的家用滑鼠。「雞神暉」解釋：「利用Handjoy K-1玩手遊「食雞」的感覺，其實跟PC版冇咩分別，加上使用滑鼠瞄準和射擊，比起用手指篤芒，有效大大提升射擊時的精準度，體驗固然比手掣更加好，『食雞』就容易得多。」

「食雞」最忌反應慢，全新的飛智八爪魚APEX手掣，在意想不到的地方加入唔少按鍵，等你第一時間按下作出反應，而且射擊用的背面按鍵，可按照習慣調校深淺程度，最特別是手掣內置體感操作，能夠透過體感去瞄準。二人表示：「體感操作只要移動手部就能夠調整方向，咁就可以容易瞄準想射擊的位置，而好多槍種在使用連發時都會向上飄，呢個時候只要利體感操作微微向下壓，能夠做到不俗的壓槍效果，不斷射擊同一位置。」

用得手遊配件，操控感亦都相當重要，而GameSir T1s的外形設計似足PS手掣，所以有玩開家用機的玩家，會感到相當親切和易上手，再加上佢係咁多款之中最抵玩，性價比都相當唔錯。「雞神暉」指：「GameSir T1s手感、操控能力、反應都尚算平均，針對玩大部分電競遊戲，如果單單玩『食雞』的話，就唔算太過出眾，適合初學者使用。」