巴打些牙:醜男唔畀做男優?

2018年05月16日 18:00
東網電視
更多新聞短片
勝部元氣認為樣衰男優喺AV上出現係一種「性暴力」。

如果男人生得樣衰,仍要去做AV男優係咪錯呢?呢個問題有人話要分開兩個部分嚟回答,男人生得樣衰唔係佢嘅錯,只係樣衰男人走去演出AV卻係罪大惡極,而講出呢番言論嘅人,就係日本評論家勝部元氣。早前,勝部元氣喺Twitter上指出樣衰嘅男優喺AV上出現,簡直係一種「性暴力」,因為咁樣只係為咗滿足「用骯髒嘅身體污染女性」嘅扭曲慾望,佢仲話性愛應該係愉快嘅行為,點可能有靚女會同樣衰嘅男人交歡呢?講完呢番言論之後,勝部元氣陸續喺Twitter批評外形樣衰同猥瑣嘅男優。
網民見到呢啲評論,有人批評勝部元氣話人樣衰係一種歧視,有人就質疑唔通醜男醜女,同美男美女之間嘅關係都係扭曲嘅慾望?亦有網民表示日本職業AV男優大約得70幾人,已經比瀕臨絕種嘅孟加拉老虎仲要少,言詞請對AV男優友善一啲。有網民更搬經典童話故事《美女與野獸》出嚟,稱鍾意睇呢個童話嘅人,唔通都係「性暴力」嘅幫兇?不過話時話,有人認為AV女優同樣衰男優啪啪啪,係一朵鮮花插在牛糞上,亦有人認為AV女優都係演員,理論上係唔可能指定邊個做床上對手,又有人覺得AV男優都係人,佢想拍AV又有AV片廠聘請,咁仲有乜嘢好講。唔知大家又點睇呢?