點影搶包山?乜裝備最輕便?太平清醮打卡攝影攻略

2018年05月17日 17:03
東網電視
更多新聞短片
去太平清醮食平安包係指定動作,今年仲玩理平安包聯乘卡通人物,擺入口前當然要相機先食。

每年長洲太平清醮,好多人都會湧入長洲,感受一下節日氣氛,尤其是下個星期二(5月22日)佛誕公眾假期就零舍多人,睇飄色巡遊、搶包山、食平安包、買手信都係指定動作,今次一於帶齊單反、無反和天涯相機,一邊食買玩,一邊影靚相啦。

山長水遠入到長洲,一落船當然係要搵食醫肚,而太平清醮點都要食平安包應應節,有老牌餅店甚至推出卡通人物平安包,除了傳統「平安」字樣,還有Hello Kitty、梳乎蛋、布甸狗款式畀你揀。無論你係傳統抑或新派Fans,見到新鮮的平安包固然係相機先食,Canon EOS 1500D入門級單反相機本身就設有多種場景模式,例如使用食物場景模式,就算新手都影到鮮明的平安包,加上可配合多種創意濾鏡後製,要玩魚眼、玩具相機效果就一個掣搞掂。

太平清醮由朝到晚都有唔同的活動,朝早有飄色會景巡遊、夜晚則有重頭戲搶包山比賽,要在應付不同的拍攝環境,單反或無反相機往往需要不時更換鏡頭,而Panasonic Lumix ZS220天涯機仔,就能夠做到一機搞掂。皆因ZS220本身設有一支15倍變焦鏡頭,利用24mm廣角適合影飄色大環境,而且配合電子觀景器就有利猛烈太陽下取景;至於使用360mm遠攝影搶包山,甚至可使用智能變焦把焦段延伸720mm咁遠,配合五軸防震功能,就連包山健兒的表情都影得一清二楚。

若然覺得食平安包和欣賞節目都意猶未盡的話,其實沿著海傍都設有不少販賣太平清醮手信的店舖,例如印有「平安」二字的大型咕𠱸、吊飾、迷你包山等,見到咁得意的手信,就梗係要拎起相機自拍個夠。Panasonic Lumix GF10無反相機本身就專為自拍而設,事關相機備有180度上翻式屏幕畀你自拍取景,更內置揮手自拍的「一揮即拍」、二人合照的「一合即拍」功能等,最重要是備有女士至愛的柔膚美顏功能,仲有拉長面形的縱向伸長模式,達致瘦面效果。

太平清醮活動詳情
5月19日至22日(7:30pm~11:30pm)
中國戲曲表演(北帝康樂廣場)
5月21日(14:30pm~15:15pm)
舞獅及舞麒麟表演(北帝康樂廣場)
5月22日(9:30am)
舞麒麟及功夫表演(北帝康樂廣場)
5月22日(2:00pm~4:00pm)
飄色會景巡遊(北帝廟出發)
5月22日(11:30pm~5月23日12:30am)
「搶包山」比賽(北帝廟遊樂場足球場)