人氣美式中華料理快餐 日本又開分店

20180517
東網電視
更多新聞短片
美國中式快餐店Panda Express喺日本千葉縣開第二分店。
香港人幫襯嘅快餐店,大多數都係西式為主,不過喺外國,中式快餐反而好受歡迎。好似呢間有超過30年歷史嘅美國中式快餐店Panda Express,現時喺全球分店多達2,000間,主要開設喺大型商場入面,而2016年登陸日本川崎廣場,大受日本人歡迎。據聞第二間日本分店,將於5月26日喺千葉縣木更津市「MITSUI OUTLET PARK 」購物中心開幕,你哋可能好奇,到底有咩食品或招數咁吸引?原來佢哋都係採用中式烹調方法,所以可以煮出色香味全嘅中菜味道,而招牌菜式首推橙子雞、皮脆肉軟配上酸甜的橙醬,不少人食過番尋味。而新店最大賣點係Open kitchen,客人可以睇到廚師拋鑊技藝,有乜咁好睇?咪好似我哋鍾意睇壽司師傅整刺身、壽司一樣,都係滿足大家對烹調嘅好奇心啫。