小小攝影眼 VisionKids

2018年05月17日 21:03
東網電視
更多新聞短片
VisionKids外形模仿單反相機設計,為了吸引小朋友的興趣,用色相當豐富。

時下好多小朋友細細個就接觸手機,假如家長們唔想小朋友玩咁多手機的話,不妨買部最新推出的VisionKids相機,讓小朋友可以培養攝影的興趣,成為你的小小攝影師,加上相機的操作簡單容易,有家長陪住小朋友一齊影相,仲可以建立親子關係呢。

外形似十足玩具的VisionKids,專為小朋友而設計,因此機身用上繽紛的配色,而且體積仲細過張八達通,就算手細的小朋友輕易拎上手,加上機身圓角設計,使用就更加安全。VisionKids支援500像素相片,長按快門甚至可切換至全高清拍片模式,最特別是影相時能夠加入得意相框,從而增添拍攝趣味,至於相機背面更設有一塊1.5吋屏幕取景,更內置1GB的內存,若然覺得唔夠亦可插入micro SD擴充容量,最重要是備有1,000mAh電量,可拍攝400張相片或4小時影片,充滿電夠影足大半日。此外,隨機還附有貼紙和頸繩,讓小朋友可以粉飾屬於自己的相片,而且掛在頸上更能夠隨時隨地帶住去影相。