精釀啤酒節　又飲又學嘢喇喂！

天氣熱辣辣，最好來杯冰凍飲品，如果是啤酒，仲要係層次豐富、口味多變嘅手工啤酒就更加一流，如果閣下都好飲番杯優質啤酒，嚟緊於5月26日及27日於黃竹坑一間酒店舉行嘅「首屆精釀邀請啤酒節」應該啱你心水。由本地手工啤酒廠連同北京、台灣、日本、南韓、美國及本地多間頂級精釀啤酒廠合作，屆時啤酒迷可以品嘗來自各地逾60款手工啤酒，當中有些款式更是首次登陸香港添！

啤酒節會以唔同啤酒類別為主題，好似「啤酒花主題時段」、「酸啤時段」、「暢飲型（低酒精度）啤酒+烈性（高酒精度）啤酒時段」以及「Freestyle時段」；而每個主題時段亦會供應超過15款或以上嘅無限量試飲。想了解各地啤酒多一啲，亦可趁機請教各地釀酒師及酒廠代表，可以話係一個又飲又食又長知識嘅活動嚟，啤酒迷又點可以錯過呢？