色日精選放送：台妹身份成謎團　只因簡體字

精選第四位：巨乳妹做宣傳

h.m.p屬於老牌AV廠，成立已經有37年，歷來為AV迷發掘過好多經典女優，好似蒼井空、明日花綺羅以及蓮實Kurea等頂級女優都係出身於h.m.p。不過，近年h.m.p氣勢轉弱，旗下嘅專屬女優都紅唔起，為咗挽回名聲，h.m.p近年積極招攬女優，喺2016年出道嘅G奶妹笹倉杏就係其之一，之後杏妹獲委任為宣傳部職員。

最近笹倉杏出席一個名《Heart之部屆》嘅網絡直播節目，當中杏妹中門大開酥胸半露，仲親自準備玉子燒、毛豆等美食招呼班主持。喺節目中，杏妹大談唔少演出AV嘅經驗，但係身為h.m.p宣傳部職員當然要以公司為重，所以就問吓觀眾知唔知道h.m.p係咩公司，結果就發現有高達84%觀眾表示知道，此外杏妹梗係要宣傳一下自己嘅新作《リアルオナドール》啦！杏妹話未來會加強宣傳力度，將會安排好多機會畀AV迷同女優們見面，叫大家多多留意啦！

精選第三位：水菜麗最後之作

好多AV女優決定引退嘅時候，由於得到AV廠嘅重視而可以隆隆重重咁製作一部引退作品，當引退作上市就代表女優正式同大家講拜拜，之不過最近有部引退作品喺女優引退之後兩年才推出，究竟點解呢？最近四仔市況偏向淡靜，冇乜作品有吸引力，但係呢部《メルシーボークー DV 50 引退》就可以算得上能夠為四仔片支持者提供滿足感喇，而作品仲係由柔弱又迷人嘅水菜麗演出嘅添！話時話，水菜麗已經喺2016年引退，做乜兩年後嘅今日至有引退作呢？據悉基於用得唔好嘥，而且近期又真係冇乜知名女優拍四仔嘅關係，於是片商將水菜麗拍咗又未公開過嘅演出輯錄成呢部引退作品嚟搵錢喇。雖然冇好似其他引退作品咁，安排男優向水菜麗獻花祝佢引退後生活愉快嘅場面，但係大家依舊可以欣賞到水菜麗拚搏嘅演出，一樣相當可觀。

精選第二位：A貨女優登場

藝能界有唔少演員都係由童星做起，而安達祐實相信係日本藝能界最知名嘅童星之一。早年安達祐實曾經被傳過因為星途暗淡而下海拍AV，但係最後卻不了了知，如果大家感到失望，不妨留意呢位名叫櫻木雪拉嘅A貨女優喇！櫻木雪拉聲稱擁有歐洲血統，雖然歐洲血統屬於邊一個國家就冇透露，但係櫻木雪拉有兩大賣點，其一係個樣生得同安達祐實非常相似，氣質天真純情、稚氣未消，其二就係擁有一對39H美巨乳，呢對H奶呈美觀嘅木瓜形，以肉眼觀察可以發覺天然指數非常之高，綜合呢兩個重大注目點之後，AV廠OPPAI就稱櫻木雪拉為「1000年只有一人之原石」，睇嚟O廠對櫻木雪拉嘅質素相當有信心。

然而，AV迷又發現櫻木雪拉其實唔係新人，因為阿妹之前已經為另一間AV廠E-Body拍過AV，當時以藝名須原望演出，仲添加多一個人妻身份添！不過，對於AV廠虛報資料大家都司空見慣，相信各位AV迷都唔會介意，反正女優嘅外在美及表演質素先係最重要嘛！

精選第一位：F奶台妹續戰AV界

早前介紹過一位名叫Meimei嘅F奶新人，其賣點除咗激凸身材外，仲有係台灣妹身份，能操一口流利普通話，然而處女作喺1月上市之後，就冇晒消息。最近有AV迷發現Meimei原來改名香美，並繼續以台灣妹身份決戰AV界，推出作品《となりの奥さん ハメチャイナ メイメイ》，當中香美展露白滑婀娜嘅胴體、嗲到暈嘅聲線以及講普通話，但係當大家都以為佢真係台灣妹嘅時候，香美喺作品入面用中文字寫咗幾段感想，然而用字卻又有好多係簡體字喎！所以有人就懷疑香美未必係台灣妹而係來自內地，當然亦有可能係佢本身都係日本妹，只係學咗幾年普通話同中文，而所學嘅中文字又以簡體字為主，總之係台灣妹嘅成數就非常之低。雖然係咁，香美嘅演出相當悅目，值得一看，係唔係台灣妹都冇所謂啦！