是日本性：寫真の日　睇女優寫真集

喺「寫真之日」（写真の日）應該做啲乜？梗係睇日本寫真最應景啦！話時話，點解日本嘅女優寫真咁好睇呢？答案相當簡單，咪就係夠養眼囉！不過大家又知唔知，所謂寫真女優其實係統稱，當中可以細分為唔同種類，今次就同大家介紹幾個主流寫真女優分類，以及當中嘅代表人物及作品啦！

呢日の由來

寫真本身係日文嚟，而佢嘅原意解做攝影，而「寫真之日」係日本嘅特色紀念日，講到佢嘅起源，卻同性感嘅女優寫真並無直接關係。喺1951年時日本寫真協會中，由著名日本攝影師梅本貞雄等人所組成嘅「寫真之日制定委員會」，提議將每年嘅6月1日定為「寫真之日」，用以推廣日本嘅攝影活動。之所以揀選呢日，據稱根據當時日本嘅文獻指，喺1841年6月1日島津齊彬拍攝咗第一張由日本人拍攝嘅照片，因此便將呢日定為「寫真之日」。雖然後嚟發現正確日期應該係1857年9月17日，但仍決定唔更改日子。

對於男士嚟講，日本女優寫真集最吸引，而從事呢種工作嘅女優統稱為「寫真女優」（グラビアアイドル）。而喺日本寫真界中，分為多個唔同種類，而最為主流同埋最令男士想入非非嘅，則要數水着系、點心系及色氣極重嘅穿着情色系。

水着系代表：夏川純

如果要數日本最主流嘅寫真類型，必然係水着寫真莫屬，而事實上，喺日本寫真界中亦以水着女優嘅人數佔最多。最早源自於日本凹版印刷男性雜誌嘅水着寫真，最初嘅原意在於泳衣夠性感，而隨住泳衣設計變得愈嚟愈性感，養眼度更係愈嚟愈高，因此唔少事務所都樂於讓旗下女優以水着造型，喺寫真界中催谷人氣。

雖然日本水着女優有好多，但講到當中具代表性嘅，喺1980年9月19日於日本廣島出生嘅夏川純係其中一位。佢喺1999年自薦到漫畫周刊《周刊少年JUMP》，從此以藝名平山奈奈喺藝能界出道。雖然佢擁有青春可愛嘅樣貌，但講到真正成名，卻要等到2003年轉到另一事務所後，以夏川純之名推出首本寫真集《believe》，其後轉戰藝能界後嘅佢，更經常喺電視節目及電視劇中亮相。

點心系代表：相川沙緒

喺上世紀90年代初，日本爭論貼身體育褲同水手服應否保留，而為咗回應男士呢種心靈上嘅滿足，唔少凹版印刷男性雜誌便書中加入呢類造型嘅寫真。1992年，一本打正旗號以呢種制服為主題嘅男性雜誌《Cream》創刊，不但影響力相當大，其後亦湧現唔少跟風雜誌。由於呢類雜誌個名都同點心有關，故此被稱為「點心系」男性雜誌，而當中嘅寫真女優順理成章被稱為「點心系」寫真女優。講到當中最具代表性，便要數喺1979年7月2日於神奈川縣出生，喺90年代中加入寫真界嘅相川沙緒。最初佢以淺野亞悠子之名拍攝寫真，及至1996年底轉投《Cream》並喺1997年1月號登場後，便憑住青春美少女形象爆紅，其後佢更登陸藝能界及拍攝多個廣告，人氣一時無兩。

變種點心系代表：金澤文子

須知道點心系寫真女優嘅出現本身就動機不純，而點心系男性雜誌為咗刺激銷量，本嚟主打純情風格嘅寫真亦開始慢慢變質，從本嚟以學園風清純風格，變成經過二次改良嘅超性感制服，令寫真變得更加有「味」。講到當中嘅代表人物，必然要數喺1979年4月4日於岩手縣出生嘅今澤文子。喺唔少人眼中，今澤文子係上世紀90年代中後期AV界嘅代表女優之一，其實佢喺1996年出道時，以點心系寫真女優身份推出過唔少寫真集，當中以喺1997年推出嘅首本寫真集《今澤文子寫真集》最為有名。雖然其後佢轉戰AV界，卻仍然推出踩界版，即係飛釘及露股嘅變種點心系寫真集，亦因為咁嘅緣故，有人認為佢係另一主流寫真流派「穿着情色系」寫真嘅元祖之一。

穿着情色系代表：川原洋子

從點心系寫真分裂出嚟嘅「穿着情色系」，佢最大嘅特點在於唔再重視寫真女優嘅造型，不論係水着定制服都好，最重要就係要露出三點。早喺上世紀90年代開始出現嘅佢，由於色氣值高關係，故此好快就成為主流之一，及至2002年更係佢嘅高峰期，事關當然不但有唔少刊有「穿着情色系」寫真嘅男性雜誌出現，當中尤以《FLASH》嘅影響最大。講到當中嘅代表人物，便要數喺2000年初出道嘅穿着情色系寫真女優川原洋子。呢位一出道就露3點嘅寫真女優，憑住36F巨乳同甜美長相好快獲得極高人氣，而佢喺2003年9月推出嘅首本穿着情色系寫真集《情色‧Revolution 2》（エロ‧レボリューション 2），更係將人氣推至頂峰。喺2007年11月引退嘅佢，於2015年12月宣布復出並推出露點寫真《艷～Encounter～》（艶美～えんび～），唔知能否重拾輝煌呢？