夏天除咗為大地帶嚟美腿，仲會帶啲乜嘢畀男士呢？答案就係「胸の谷間」！究竟係乜嘢嚟呢？其實男士只要細心留意一下嘅話，便好容易發現呢樣嘢總會喺身邊出現，而喺日本仲有唔少寫真集以佢作為賣點添！

胸之谷間即係……

「胸の谷間」嘅英文叫做「Cleavage of the Breast」，中文解做乳溝，亦即我哋俗稱嘅事業線，而喺人體解剖學中，國際解剖學者協會聯合會（IFAA，International Federation of Associations of Anatomists）則稱佢做「Intermammary Cleft」。男人之所以對乳溝咁着迷，其中一個原因同佢係人類獨有嘅特徵有關，其他雌性靈長類嘅胸部較平坦，只有喺排卵期間乳房至會增大，而人類女性則維持一定大細。究竟乳溝對男士嘅吸引力有幾大？日本民調網站Sirabee早前就做咗個關於男士見到乳溝興奮度嘅調查，佢哋統計咗超過600位年齡介乎20歲至60歲嘅男士，發現當中有百分之五十九嘅男士對乳溝感興趣。此外，調查亦發現喺對乳溝有興趣嘅受訪男士中，年紀愈大嘅男士對乳溝感興趣嘅比例愈大，從中可以看出，呢條事業線對男士嚟講真係極具吸引力。

寫真女子組合

日本寫真女優露乳溝，可謂指定動作，尤其係換上水着示人，深溝更係相當誘人。大家知唔知，原來日本有隊叫做「露乳溝小隊」（胸の谷間にうもれ隊）嘅寫真女優組合呢？呢隊喺2010年組成嘅寫真女優組合，其宗旨係想將萌味同色氣結合，予人一種稱為「萌好色」（萌えエロ）嘅形象。組合成員有3位，分別係助川真理惠、橘Olive同與坂唯，2010年4月25日喺六本木嘅迷你劇場morph-tokyo表演，憑住萌系外形加露乳溝嘅造型，令處女演出相當成功。同年5月推出兩首新歌《奴隸！》同《殺個半死》，並推出首張音樂CD。2011年8月成員變為與坂唯、長岡美和同黑田萬結花，呢兩位新成員更加波濤「胸」湧，長岡美和上圍達35E，而黑田萬結花更擁有35G之巨，佢哋加入之後令組合更有睇頭，同時人氣更高。2013年4月與坂唯離隊，由另一位擁有38H巨乳嘅寫真女優北條麻美替上，事業線果然夠晒勁！

豪乳級深溝

深溝同巨乳之間嘅密切關係，相信唔使多講，而日本寫真界有咁多胸前有料之人，究竟呢位寫真女優點樣可以跑得出呢？喺1992年11月5日於日本德島縣出生嘅水着女優園都，憑住一對35G胸器佢成功吸引大家嘅注意，加埋標致嘅五官，簡直係女神，因此獲得「壇蜜2號」嘅稱號。事實上，園都嘅出道經歷亦相當有趣，話說2012年佢喺東京巨蛋睇棒球比賽時被星探發掘，不過直到2016年時先至正式喺水着寫真界出道，同年3月推出處女寫真集《首都之園》（みやこの園），憑住出眾身材及美貌而一舉成名。一直以嚟游走喺水着同穿着情色寫真界嘅園都，不但憑住誘人深溝打動大家，而超露出嘅寫真更係令人心跳加速。不過講到佢嘅代表作，係呢本於去年11月推出嘅《我想跳進你的心口》（あなたの胸に飛び込みたい），單係睇個書名，就知道佢嘅賣點係乜啦！

純粹深溝寫真

若然想純粹欣賞深溝，呢本名為《OPPAI》嘅寫真集就啱晒口味，而呢本寫真集嘅宗旨就係展露深溝。「OPPAI」係「おっぱい」嘅發音，意思即係指女性嘅胸部。不過呢個日文俚語嘅原意，卻非任何大細嘅胸部都能稱為「OPPAI」，只有大到一定程度嘅胸部，先至可以獲得呢個稱呼。據呢本寫真集嘅介紹指，寫真集嘅目的係希望能夠滿足男士對巨乳同深溝嘅妄想，而為咗可以達到呢個目的，書中嘅寫真全部只有胸部嘅超大特寫，而寫真女優亦會做出各種推、吸、吮、按摩等嘅動作，務求令男士產生一種想被埋喺雙峰之間嘅幻想。講得咁直白，對於好溝之人應該相當滿意。

埋在深溝妄想

如果覺得超大特寫深溝嘅寫真仍未夠喉嘅話，仲有一本更加直白，而色氣度及激凸度更高嘅寫真作品，必定能夠滿足男士嘅眼睛及心靈上需要，呢本就係《S-cute 美乳天國Vol.1 想躲在白嫩的乳溝裏》，搵嚟10位擁有巨乳、爆乳，甚至豪乳級嘅素人寫真女優演出，全部寫真相都係集中喺心口上面，對於想睇埋女優個樣嘅男士嚟講可能未必滿意，但係對有深溝情意結嘅男士嚟講，絕對係極具視覺壓迫力，畀到眼睛飽和感之餘，更透過女優唔同嘅造型，予人極大嘅妄想空間。呢本寫真嘅書序亦相當有趣，事關佢寫得超簡潔，就係「胸、胸、胸」，一睇就知呢本寫真嘅主題係乜，難怪寫真推出之後獲得極佳嘅銷量，其後嘅第2集同第3集亦沿用呢個做法，絕對係深溝主題寫真集嘅佳作。