色日精選放送：女優火辣慶生　忌廉誘惑

精選第四位：最愛男人頭

桐谷茉莉喺2016年12月出道，當時阿妹以嬌俏活潑個性，以及一副高挑同時又身懷H Cup純天然巨乳嘅極品身材成為AV迷嘅焦點，早前桐谷茉莉更因為過去一年喺AV界表現落力，而獲得提名角逐「DMM成人大獎2018」最優秀女優獎添！

另外，喺一個訪問當中茉莉提到近期推出嘅作品中，以佢同師姐古川伊織合演嘅《桐谷茉莉×古川伊織 SODファン大感謝祭》印象最深刻，茉莉話好佩服古川伊織，因為伊織對於滿足男人嘅戀物癖相當在行，而且各種性技都運用純熟，同時招呼幾個男優亦駕輕就熟。提到戀物癖，茉莉亦透露自己有特別癖好，就係好鍾意聞男人頭皮嘅氣味，特別係男人做完運動之後帶有汗味嘅頭皮味，茉莉仲話為滿足呢種癖好，同男優床戰嘅時候會特別貼近男優個頭喎！至於今年有咩計劃，茉莉話希望可以喺演出中試吓玩繩綁同制服誘惑，努力拍AV之餘，亦想以歌手身份登台，因為佢真係好鍾意唱歌喎！

精選第三位：AV OPEN來年上演

近幾年日本AV界每年都會上演三大盛事，3月有「Sky PerfecTV成人放送大賞」，5月則有「DMM成人大獎」，11月就會上演「AV OPEN」。而今年差不多過咗一半，頭兩個盛事已經順利結束，各個獎項都已落入得獎嘅女優手中。然而，第三個盛事「AV OPEN」一向都唔係話搞就搞，所以好多AV迷就會問，到底今年「AV OPEN」會唔會舉辦呢？答案係「AV OPEN 2018」將會如大家所願舉辦，但係今年嘅情況似乎有些少奇怪，原因係主辦單位宣布，入圍嘅VR作品將會喺今年12月份上市，至於其他入圍作品就要到明年2月上市，一般而言「AV OPEN」都會等作品正式上市，好等AV迷買番屋企欣賞過後再投票，咁至可以計算出邊部作品能夠得獎，換言之「AV OPEN 2018」要等到出年至會舉辦，亦即係今年下半年AV界就唔會有頒獎禮喇！有小道消息表示大會咁做好可能係想將「AV OPEN」同「DMM成人大獎」順勢合二為一，原因係「AV OPEN」一向都會喺日本成人博覽中上演，但係呢個博覽愈來愈少AV廠支持，今年未必會再舉辦，所以主辦方為咗慳錢唔使獨立搞個頒獎禮而咁做囉！

精選第二位：服務態度極差

AV女優轉投到風俗店工作嘅新聞相當常見，不過有位AV女優卻被客人批評服務態度極差，而佢就係極具爭議性嘅AV女優坂口杏里。喺1991年3月3日於東京出生嘅佢，母親坂口良子係日本知名藝人，本嚟作為星二代，喺藝能界唔憂冇嘢做，加上母親過身後留咗一筆可觀嘅遺產畀佢，可謂衣食無憂，可惜佢生活揮霍又鍾意去鴨店，更欠下大筆債，結果喺2016年10月以藝名ANRI下海拍AV，實行搵快錢嚟還債，不過就被AV迷彈佢冇身材又冇演技，所以拍咗幾套AV後就冇咗影。之後佢去咗做陪酒女郎，早前更喺神戶嘅出張風俗店「Crystal」入籍20日，收費為60分鐘7萬日圓（約5,110港元）起。雖然ANRI嘅外形未必個個啱口味，但話晒係星二代兼AV女優，始終有一定吸引力，點知有日本雜誌爆料，指有位匿名玩家投訴ANRI嘅服務態度極差，唔單止遲大到兼滿身酒味，入到嚟連招呼都唔打就直衝入廁所，到戲肉時，全程態度求其。不過事件未經證實，所以未知呢單嘢係堅定流。

精選第一位：大派福利

喺1989年5月30日於日本櫔木縣出生，擁有33D美乳嘅佐倉絆，喺2014年7月出道，憑住萌系外形及出位嘅言論而獲得人氣，加上佢經常喺Instagram上大派福利，人氣更係愈嚟愈高。

早前佐倉絆趁住慶祝生日，再次喺網上發送福利，而今次佢更搵埋自己兩隻愛犬出鏡添！佐倉絆留言話：「慶祝我29歲生辰，多謝大家咁多年嚟嘅祝福。」然後佢就上載咗一輯胸前兩點僅用忌廉遮住，然後畀兩隻愛犬舔忌廉嘅自拍相。呢輯火辣自拍照一出，即時引嚟哄動，皆因相片中佐倉絆巧妙地隱藏咗兩點，加上一副萌系嘅可愛樣子，真係勁吸引又誘人，難怪粉絲留言話希望能夠代替狗狗，同佐倉絆慶祝生日啦！

話說回來，作為一位靚女，點解佐倉絆只係同狗狗度過生日咁寂寞？梗係唔係啦！其實佐倉絆同公司同事早前喺一間甜品屋搞咗個生日會，之後仲上載咗唔少萌爆相片。不過講真，若然生日會能夠畀粉絲參與，同時又玩埋忌廉嘅話，相信會有更多人Like囉！