侵侵「野獸」座駕 金仔獲邀參觀2秒

2018年06月13日 18:33
東網電視
更多新聞短片
設計高度機密的美國總統座駕,金仔有機會見識下。

有「野獸」(The Beast)稱號的美國總統座駕向來都頗為神秘,外界了解甚少,唔知侵侵係咪想展示同金仔的友好關係, 喺美朝峰會期間竟然帶金仔參觀「野獸」,金仔有機會近距離欣賞兩三秒咁多,都算係咁啦。媒體就冇咁幸運喇,攝影師只能拍攝兩人的交談情況,未有機會拍到內櫳,有趣的是兩名攝影師為爭奪理想位置竟出現肢體碰撞。

「野獸」的設計是高度機密,車內實際有啲咩亦鮮為人知。據報,此車由Cadillac Limousine改造而成,不但加入裝甲及採用防彈設計,而且有自動滅火、防生化襲擊、催淚煙及干擾彈發射器等設計,可防止飛彈襲擊。為確保總統安全,車內還儲存了與侵侵同類型的血液,以備不時之需。消息指,在新加坡見到的「野獸」是奧巴馬年代的版本,美朝峰會後很可能退役,意味侵侵不久將來有新車坐。