【決性11點】月入100萬円?人氣Coser講你知

2018年06月13日 22:30
東網電視
更多新聞短片
【決性11點】月入100萬円?人氣Coser講你知

Cosplay文化影響深遠,日本就有Coser豪言靠龍友影會供養,可以月入100萬円咁話!?搞到唔少女仔都不惜工本投入Coser事業。咁到底係咪真係咁好搵呢?小編最近睇到日本網絡電視AbemaTV一個「給予明細」節目,就邀請了最近於Coser界走紅的話題Coser「うらまる」現身說法喇!

話說呢位年輕正妹うらまる一副天使臉蛋,清新感爆晒燈,她不時於Twitter上載各式換裝、水手服、內衣、女僕照來推爆貼文。就好似剛剛的周末,うらまる以漫畫《請問您今天要來點兔子嗎?》的可愛妹子宇治松千夜造型發帖,即惹來瘋狂轉載。根據節目採訪,うらまる背後原來有隸屬事務所幫手宣傳,一個月搞2-3次龍友攝影交流會,每位粉絲收費1萬日圓,可以享有1分鐘單獨拍攝。如果同偶像合照留影,每張計就要再畀1,000日圓。加上現場紀念品發售,搞一次有廿幾位粉絲參加的影會,一次活動收入就達27萬多日圓。當中事務所同うらまる以7:3分帳,即係話うらまる最終可以袋得8萬日圓,加埋剛才所講一個月2-3次影會,連帶其他活動收入,うらまる就話月入30萬日圓喇!各位又覺得好唔好搵先?