日系健康cafe周年紀念　限定特飲超吸睛

日本天然系洗髮沐浴品牌BOTANIST嘅概念店BOTANIST Tokyo，唔知大家有無去朝聖？不經不覺開咗快一年，為慶祝呢個重要日子，2樓嘅BOTANIST Cafe特別推出3款期間限定飲品，賣相超靚又冰涼，最啱夏天歎番杯。

由6月26日至8月31日，Cafe將提供3款限定沙冰特飲以迎接夏天來臨，其中菠蘿檸檬特飲，用菠蘿肉鋪成花瓣中間加上朱古力脆脆，造型十足一朵太陽花。而蜜瓜莓果沙冰，用上蜜瓜加綠色梳打，上面加上雲呢拿雪糕，充滿冰涼感覺。最後一款係柚子薑味梳打，清新的柚子加上帶少少辣嘅薑汁、橙皮及檸檬皮，夏天飲夠晒消暑。