【青軸打落啪啪聲】Dragon War電競全能之鍵

2018年06月14日 21:00
東網電視
更多新聞短片
Dragon War GK-013無線電競鍵盤反應夠快,而且功能齊全,適用於打機、多媒體、文書打字。

呢幾年好多年青人投身電競行列,近排甚至有電競文憑可以攻讀,不過要進入職業電競戰隊,除了要有一定的技術,亦都要「裝備」自己,全新Dragon War GK-013無線電競鍵盤,採用青軸鍵盤設計,雖然每按一下的聲響較大,但觸感強烈且回彈清脆,無論打機抑或打字同樣合用。

GK-013跟一般鍵盤的最大分別,是特設有多媒體按鍵和功能鍵,例如音量、快播、暫停等,畀你快速調校設定,打機睇片更加爽。採用2.4GHz連接的GK-013,在底部附有USB接收器,實試的反應亦相當靈敏,同步率高沒有任何時滯,打機做到一步到位。此外,鍵盤毋須入電芯驅動,皆因能夠利用USB接口充電,可連續使用40小時咁耐,而一般情況下使用15日都冇問題,加上可以一邊充電一邊玩,咁就唔怕玩到一半冇電。唯有要挑剔的是鍵盤不設背光設計,相比同廠其他型號就失色不少。