東網電視
更多新聞短片
Qubii的體積僅有2.5x2.5x4.5cm，加上白色配色，似十足一舊豆腐。
1/8
相信好多人都為免麻煩，從來都唔會為手機備份，萬一壞機或遺失手機就「血本無歸」，而Searchingc最新引入的Qubii手機備份豆腐，就做到充電時自動backup資料，主要針對iPhone使用，並蘋果認證MFi，能夠將手機內的相片、聯絡資訊，甚至連Facebook、IG、iCloud內容都可以做埋backup，絕對係懶人必備神器。
最近獲得2018 Computex最佳產品評審團特別獎的Qubii，其實是由台灣設計團隊Maktar研發，體積僅有2.5x2.5x4.5cm，白色的外形似十足一舊豆腐，因此稱為「備份豆腐」。結構簡易的Qubii設有micro SD記憶卡槽，畀你插入記憶卡記錄備份資料，因此資料不會備份到其他地方而被盜用，甚至可還原資料到新手機或觀看記憶卡內容。要做到自動備份，需要安裝《Qubii》手機App，首次接駁必須將手機與Qubii綁定，以後連接就做到自動備份，而最重要是資料不會重複備份，幫你節省更多空間，毋須從頭backup咁麻煩，更可設置彈出進度提示用家，而備份時你仲可以繼續打機、睇片、覆Whatsapp，完全唔會妨礙你玩手機。
包裝盒內僅有Qubii和使用說明書。
每次充電都會自動備份，而且資料不會重複，全程無需人手操作。
Qubii既可做到自動備份，更可觀看記憶卡內容，以及還原資料到新手機，功能勝在多元化。
設有micro SD記憶卡槽，幫你備份所需資料。
用家可以在《Qubii》手機App中，設定所需備份，包括相片、聯絡資訊、Facebook、IG、iCloud等。
Qubii的使用方法簡單，一端接上充電頭，另一端則插入充電線。
備份時會彈出進度提示用家，而且傳輸速度夠高。
