今日係……比利時國慶日

今屆世界盃已經曲終人散，於今屆參賽嘅眾多支國家足球隊當中，相信就以奪得應屆季軍嘅比利時最令人感到驚喜，最精彩嘅一戰應該就係十六強賽事當中，比利時於落後兩球嘅情況之下反勝日本3：2！而7月21日，正係比利時國慶日。

比利時係一個西歐國家，首都為布魯塞爾，國土自北起順時針分別與荷蘭、德國、盧森堡和法國接壤，西面則為北海。比利時一名早於羅馬時代已被起用，當時就被稱為比利時高盧（拉丁語：Gallia Belgica），字面意思為「貝爾蓋人的高盧」。

比利時全國總人口為10,414,336（2009年），歐洲人口密度僅次於荷蘭及部分歐洲小國，而人口稠密令比利時成為世界上工業最發達嘅地區之一，至於民族方面則以弗拉芒人（佔59%）和瓦隆人（40%）為主。提到工業發展，比利時經濟相當倚賴國際貿易，人均出口為德國兩倍。地理位置及高度技術化、多語言以及高效率勞動力俱為比利時嘅出口優勢。比利時主要進口食品、機械、鑽石（未成品）；主要出口朱古力、汽車、鋼鐵、鑽石（成品）等。而位於比利時北部的國內第二大城市安特衞普為歐洲第二大港口，同時亦是世界上最大鑽石加工地，素有鑽石之都稱譽。另外，製作甜點更是比利時人之特長，比利時出品嘅朱古力可謂聞名於世，相信各位亦曾經品嘗過比利時朱古力之美味。

剛才提到足球發展，足球乃係比利時第一受歡迎運動，而於上世紀八十年代足球正係比利時國家足球隊巔峰時期，於國際球壇中更享有「紅魔」之稱，到今年世界盃比利時國家足球隊同樣被認為屬於其中一支最有力奪冠球隊，當中知名球星包括現效力英超勁旅車路士嘅夏薩特。