低頭族救星　Alex+

平時大家撳電話，又或者坐Office對住部電腦，個頭都會不自覺愈耷愈低，長時間會形成肩頸痛，如果你唔想成為「低頭族」，Alex+智能姿勢追蹤訓練器就能夠幫你改善動作，事關當你的頭部耷低超過一定幅度，訓練器就會輕輕震動提醒你修正姿勢，以後就唔會再頭耷耷。

手機App監察動作

外形似十足運動耳機的Alex+，用上後掛式設計，用家可因應頭部大小調校掛臂的長短，而機身內設有感應器和IOT技術，如果你的頸部彎得太低、又或者長期唔郁，內裡的感應器便會震動提示，培養出正確的姿勢。Alex+可透過藍牙連接《ALEX PLUS》手機App，而App唔單止能夠設定震動通知的彎曲角度，亦可統計佩戴時間、震動次數等數據，甚至可跟隨App進行頸部伸展運動，避免形成不良動作，完全屬於你的私人動作教練。電池每次可使用長達70小時，而用家毋需全日佩戴，只要工作時戴上即可改善不良姿勢。