自學環保蔬菜花

2018年08月11日 13:30
東網電視
更多新聞短片
擅長手工創作的Hidy閒時喜歡為舊物Upcycle,除了製作乾花之外,蔬菜花束也是她的拿手好戲。(莫文俊攝)

大部分女仔都喜愛收花,不過鮮花價錢唔平亦唔襟擺,過多一星期已變成廢物送去堆填區。貪圖「美色」又不想浪費又點止乾花一種選擇?環保手作人Hidy今日(8月11日)及星期一下午4時至5時就會去到鑽石山一個商場教大家自製蔬菜花。所謂蔬菜花,就是用蔬果代替鮮花,紮成色彩繽紛的「花束」。 不但賣相別緻,也散發着陣陣清新的蔬果香氣,最重要是點綴家居之後可以拆出來煮食,有姿勢又有實際,連包裝的布料都是循環再用,絕對不會造成浪費。心思思想整一紮?未能親身拜師,都可以跟着以下步驟自學。

做法:
1. 先把椰菜、辣椒、車厘茄、甘筍等短小蔬菜加竹籤延長。
2. 用生菜、椰菜等大葉蔬菜包好,以橡筋紮起。
3. 最後以循環再用的布料包裹,再用繩綑起蔬菜花即大功告成。