香港估估吓:海虎最常用嘅絕招係……

2018年09月15日 08:00
東網電視
更多新聞短片
大家估吓《海虎》中嘅「海虎」白軍浪最常用嘅絕技係乜?(互聯網)

港漫《海虎》係「肥良」溫日良嘅知名作品,將科幻、武俠以及技擊融為一體嘅風格可以話喺以古裝武俠為主要題材嘅港漫當中別樹一格,至於角色所用以戰鬥嘅亦唔係內功,而係磁場力量。另外,作品角色刻劃得性格分明以及作畫逼力十足嘅畫風都令漫畫迷印象深刻。《海虎》第一輯故事主要係講述男主角,綽號「海虎」嘅白軍浪為後父仇與藍夢組織周旋,當中與強敵「殺人鯨」奧加嘅場場激戰最為矚目精彩,恩怨情仇之外亦有與女主角觀月瞳嘅愛恨交纏,突出「海虎」白軍浪重情重義嘅性格。至於海虎嘅常用絕招,相信有睇過本作嘅朋友都唔會陌生,冇錯!就係「海虎爆破拳」喇!呢一招拳力會潛入敵人體內繼而引起爆破反應,從而為敵人造成巨大傷害。