【靚人靚景】大島麻衣 初現成人「蘇」味

2018年09月16日 20:00
東網電視
更多新聞短片
大島麻衣最新嘅寫真集去到泰國蘇梅及帕岸島取景,靚人靚景保證令觀眾睇得滿意。(互聯網)

唔少男士都鍾情具有女人味、風韻猶存嘅女性,原因之一相信係有返咁上下年紀嘅女性先有一種令男人意亂情迷嘅騷味,剛剛踏入三十一歲嘅大島麻衣最近就特別喺最新寫真集當中為大家展露呢種騷味喇。大島麻衣係知名日本女團AKB48嘅第一期成員,同期出道嘅包括有人氣女星板野友美、河西智美等等。喺2009年,麻衣就開始以單飛歌手身份活躍舞台,之後仲成功進軍電視台成為好多綜藝節目嘅寵兒。為咗紀念自己踏入三十歲呢個界別,相隔八年之後麻衣再次推出個人寫真集,書名叫做《I am》。

今次大島麻衣就將泰國蘇梅島以及帕岸島選為取景地,除咗想利用當地優美嘅自然景致,亦希望用熱情洋溢嘅氛圍以釋放自己蘊釀多年嘅成人騷味!為咗進一步達到呢個目的,麻衣早已經將身材塑造得婀娜苗條!

其中蘇梅島係泰國第三大島嶼,僅次布吉島和象島,位於首都曼谷南方約560公里處,當地人主要以務農為生,當中椰子則為重要經濟來源,島上椰樹隨處可見,所以亦令蘇梅島被稱為「椰子島」;由於蘇梅島景色優美,所以近年亦被發展為泰國旅遊熱點。

至於帕岸島,或許較少人認識,它是位於泰國東南方暹邏灣中,亦係好多自助旅行者嘅旅遊熱點。帕岸島有兩個姐妹島,就係南邊嘅蘇美島及北邊嘅龜島。