【人工低智能噏粵語】：「罨」

之前有高官質疑粵語價值，甚至認為香港人要學習「國際化」嘅普通話先至保持到競爭力，到底係咪呢？留番大家自己諗吓，但好多人以為粵語得個講字，無正字，查實好多廣東話都有正音正字，博大精深，好似平時大家成日講嘅「Up」、「Dum」等，全部都有正音正字，小編參考咗香港中文大學中國語言及文學系嘅「現代標準漢語與粵語對照資料庫」及網上資料搜集，由今日起一連4日就同大家以較為貼地及簡單方法：「人工低智能機械人」癲ly，同大家研究一吓幾個常用粵語吧！

*註：系列主要集中簡單講解粵語正字及發音，短片中撰寫筆劃並非研究重點，有錯請諒。

罨

回南天，走到街上，身邊總會有一兩個人身上發出呢種「Up」味，而呢個「Up」字，正寫應該係「罨」（粵語讀音：ngap1），有掩蓋、覆蓋嘅意思。