喜劇經典《富貴逼人》　招弟嘅真名係？

尋常公屋戶因為中六合彩頭獎，一夜之間發大達成為千萬富翁！呢個一定係好多香港人心目中的願望！1987年出品的經典喜劇電影《富貴逼人》，當年排在賀歲片檔期上畫，憑着雷達驃(董驃飾)和驃嫂(沈殿霞飾)的抵死演出，道盡不少香港人心聲而人氣爆紅，致令及後接連再拍續篇《富貴再逼人》、《富貴再三逼人》和《富貴黃金屋》共4集。而令到呢對新翠邨夫婦的橫財故事更錦上添花的，最招積，最生鬼一定係佢哋兩個嘅細女「招弟」喇！到底招弟係邊個？宜家又去咗邊呢？

原來招弟係由童星關珮琳所飾演，當年8歲的她拍攝《富貴逼人》而爆紅，系列連續4集佢都有份參演，還連同兩位姐姐帶弟(陳奕詩飾)和來弟(李麗珍飾)合演姊妹花。後來關珮琳於1994年淡出娛樂圈，完成大學後從事人力資源管理工作，一直低調享受人生。而對上一次關珮琳於舞台前亮相，應該是2016年香港電影金像獎上，在其中一個回顧經典港產片環節中和觀眾見面呢。

答案：關珮琳