【蟹季懶人包】:日本必食名蟹

20181019
東網電視
更多新聞短片
香港不少哈日族都非常喜歡和式美饌,尤其係冬季到北海道,更不能錯過3大名蟹,包括原隻烚煮嘅毛蟹。(資料圖片)
日本係不少香港人嘅「鄉下」,相信大家每年都會回鄉探親兼食東瀛美饌,而秋冬季去到日本,當然不能錯過冠絕日本嘅北海道3大名蟹,即松葉蟹、帝王蟹和毛蟹。
松葉蟹,有「蟹后」美譽,正式嘅日文漢字名稱應為楚蟹,在日本不同地方也有多種叫法,例如於福井縣越前海岸漁港捕捉嘅雄蟹就叫越前蟹,是明治時代天皇貢品。至於來自北陸一帶嘅雌性楚蟹則是香箱蟹;而分別於兵庫縣及石川縣捕獲的就叫津居山蟹及加能蟹。松葉蟹肉質鮮甜嫩滑,用來製作刺身最能夠呈現出其鮮味。
帝王蟹,由於生長在深海且體形巨大,並盛產於日本海及鄂霍次克海一帶水域,而一般稱嘅帝王蟹指嘅都係鱈場蟹。鱈場蟹之所以特別矜貴,產量稀少固然是原因之一,同時也因為需時10年才會長至3公斤重,不過正因如此蟹肉才特別結實,粗壯而肉質飽滿的蟹腳更是賣點,而每年11月至翌年2月正是其當造期。鱈場蟹以外,另外常見嘅帝王蟹品種還有花咲蟹、油蟹及棘蟹等。
毛蟹,北海道獨有海產,因全身長滿金黃色細毛而得名,每年12月至翌年2月為最佳品嘗季節,雖然體形小,一般只有約600克重,蟹肉也算不上豐富,但甘香滑溜嘅蟹膏卻幾乎布滿全身,濃郁蟹香亦是眾蟹之首,用來炮製火鍋、熬粥或蒸熟凍食一樣鮮味無窮,加少許清酒拌勻同吃亦非常可口。
清酒煮毛蟹
想品嘗新鮮蟹肉的鮮甜香味,使用簡單烹調方法,毋須加調味料都能嘗到蟹肉鮮味,如以下用清酒煮原隻毛蟹,酒精在高溫下已揮發,只餘下香氣,添加蟹肉鮮香滋味。
材料:
毛蟹 1隻
清水 適量
清酒 隨意
做法:
1. 毛蟹以牙刷擦洗乾淨。
2. 將清酒加清水煮滾,放入毛蟹。
3. 冚蓋蒸煮約15分鐘,撈起瀝乾水分即可。