《昭和雜貨店物語3》　用手遊尋找童年

提起治愈系放置型手遊，大家自然會想起年初紅爆中、港、台、日4地的《旅行青蛙》，不過玩得耐都會厭啦！所以今次向大家介紹呢款由日本Gagex出品的《昭和雜貨店物語》系列最新作，《昭和雜貨店物語3 ～老奶奶和貓～》繁體中文版正式上市喇！單係見到名稱大家應該估到玩法，遊戲中玩家將會協助負責看舖，幫助只會坐着打瞌睡的老奶奶去經營雜貨店，然後吸引更多小朋友和客人前來光顧，令小店重回昔日人氣。

玩家可以引進零食來招攬客人，然後點擊客人收集金幣，再使用金幣來添置貨架等設施，從而增加客人光顧。加上新作引入四季系統，不同季節時店面景象也有分別。而隨着遊戲發展，玩家也會知道老奶奶背後感人的小故事呢。另外遊戲叫得做「昭和」，入貨商品當然是大家童年買過的零食和玩意啦，例如香口膠、玩具水槍等，仲有鎖匙扣、扭蛋公仔等，包保大家一路玩、一路懷念小時候流連士多辦館的日子呢！