【地靈人美】美女主播巡邏品川

見到品川呢個日本地方名，相信去過東京嘅朋友都應該唔會陌生，因為品川係東京嘅交通樞紐，好多電路線都會經過品川站又或者於品川出發，而綺麗迷人嘅美女新聞女主播新井惠理那，早前就應品川有關當局邀請，擔任品川警察署嘅一日署長，向大家宣揚交通安全嘅訊息。

新井惠理那生得標致綺麗，一副美貌簡直可以話係貌若天仙，自2012年起惠理那就擔任天氣女郎，之後就陸續成為資訊性節目嘅女主播。喺9月30日，人氣高企嘅新井惠理那就應邀擔任品川警察署嘅一日署長，適逢當日又係品川宿場祭。喺呢個節日，市民都興高采烈換上古代裝扮上街慶祝，而惠理那則隨警察車隊到街上巡視以及維持秩序更形成萬人空巷、民眾夾道歡迎嘅氣勢。而惠理那當然唔會只係坐喺車上睇風景啦，親切嘅惠理那亦有盡忠職守向大家宣揚交通安全訊息，更親手向大家派發手巾仔紀念品添！

講番品川區，乃日本東京都的特別區之一，名稱源自境內的河川目黑川，因為目黑川別名正是「品川」。品川位於東京都南部，東瀕東京灣，為東京市區聚集較多港口及工業設施的地帶，而品川站更係東京都內南部嘅交通樞紐，不但是JR在來線、新幹線及京濱急行電鐵幹線的轉乘站，磁懸浮中央新幹線的發車站也決定興建於此！此外，品川區亦有好多旅遊景點值得遊覽，包括水族館Maxell Aqua Park品川、東京港灣地區的時尚景點天王洲Isle、《忠臣藏》中著名的赤穗義士長眠的泉岳寺等等。此外，遊客還可以在品川浦乘坐屋形船，來一趟周遊台場與東京晴空塔的東京觀光船之旅。