香港估估吓：記唔記得細個全盒放咩糖？

社會急速發展，很多傳統習俗都變得可有可無、又或化繁為簡。以前過新年，除買新衫新鞋，家中最緊要擺放全盒，讓來拜年的親友搲銀搲出好意頭，再加上親友送上的糖果和朱古力，每到這個時候，小朋友就最開心，因為可以盡情食糖唔怕畀阿媽鬧。70、80年代你又知唔知邊幾款糖果或朱古力最受歡迎？尤其新年必食？

其中一個答案就係發達糖，橙黃鐵罐好易認，糖果為長方形，有提子、士多啤梨等多種口味，質感軟身易入口。小朋友最鍾意不同顏色的糖紙，食完會留下糖紙儲存，有的會留來做書籤。大人又愛其「發達」好意頭，故新年必定能見其蹤影，可惜早年已經停產，有網友指近年出品乃由不同品牌自家再推出，唔知風味會否相同呢？

另一款1960年代的英國花街朱古力，紫色圓形和長方形鐵盒同樣搶眼，罐面飾上的男女插畫深入民心，多款顏色的包裝紙配上拖肥朱古力和其他味道朱古力，小朋友絕對抗拒不了。不過品牌於1988年被收購，改了設計之餘，連口味亦改變，已經吃不到昔日的味道了。