我家主子任踩唔嬲？

呢兩日又話轉凍，最怕夜晚隻腳仔凍冰冰好難先瞓得着。如果你有養寵物，我建議你攝隻腳去佢哋度取暖，但大部分主子可能會咬你或推開你，咁點算好呀？呢個moment......惟有整番對同主子一模一樣嘅拖鞋囉！

外國有間公司Cuddle Clone以手造「複製寵物」毛絨公仔而聞名，佢哋仲推出埋訂製毛毛拖鞋服務，咁各位就可以將你哋嘅貓貓狗狗複製成毛毛拖，需時大約8個星期，亦唔算平，收費US$199，約HK$1,560(未計運費)，但手工非常好，像真度100%，如果平時主子成日蝦你，你大可着住對拖鞋踩踩踩番夠本，當報仇呀！