車然係咁：司機改名記得通知運輸署

汽車經過警察路障。

警察：「先生，身份證同駕駛執照吖唔該！」

警察：「咦......先生你叫咩名？」

司機：「我叫陳世文囉！咩問題呀？」

就係有問題，因為呢位司機身份證顯示「陳世文」，但駕駛執照顯示「陳大文」，原來呢位司機身份證改名由「大」變「世」，身份證改咗但就無向運輸署申報更改駕駛執照，仲咁吋同阿Sir講嘢！

根據香港法例第374B章 《道路交通(駕駛執照)規例》18條（1）定明，任何執照持有人先前向署長提供的該執照持有人的姓名、地址或身分證明文件出現改變，該執照持有人須在改變出現後72小時內通知運輸署，任何人無合理辯解而違反，即屬犯罪，可處罰款$2,000。

踏入農曆年後，有不少人改名祈求轉運，所以更改身份證之餘，記得通知埋運輸署啦！