學日本人飲酒應酬　防醉安心有法

唔少香港人放工會同老友或同事Happy Hour放鬆一下，其實日本人都一樣，但唔同嘅係大部分係同上司或同事去飲兩杯，屬應酬一種，仲要係有「二次會」或「三次會」，即係我哋嘅走兩場或三場，呢個時候最驚係咩?咪飲醉囉！佢哋就諗到幾種方法防醉，大家都可以參考下，咁咪可以安心應酬囉！

方法一：

酒杯裝滿酒後就唔好再掂個杯，啲人見到隻杯滿滿咁就唔會再斟酒畀你，即是我哋叫嘅「養金魚」。

方法二：

好多日本人飲清酒時會邊飲酒邊飲水，比例大概係1比1，一來有助溝淡血液中的酒精濃度，更會飲水飲到飽，咁就無咁易Over喇！

方法三：

柯打飲料時，最安全嘅方法係點啲唔含酒精嘅飲品，唔飲咪唔會醉囉！