麻婆豆腐味薯片你試過未？

唔知大家有無薯片癮，小記間唔中就會癮起，尤其係太多嘢做嗰陣，就好想咬脆卜卜又惹味嘅薯片嚟減壓。早前日本Calbee就推出了全新系列「極旨辛（ごくうまから）」，首炮係非常惹味嘅「四川麻婆豆腐味」薯片。

眾所周知，日本人對中國的麻婆豆腐情有獨鍾，當地更有不少中華料理店以此作招徠，品牌為了充分呈現菜式的獨特辛辣口味，特意混雜了山椒、唐辛子及豆瓣醬等來炮製，最神奇係，食完口腔還會瀰漫住肉同蒜嘅香氣，官方仲話，呢款辛辣口味薯片與清酒、啤酒，甚至是以威士忌作基調調混嘅Highball雞尾酒都非常匹配咁話。