【靚人靚景】松田琉花　宿霧賣性感

有睇開近年播出嘅新派《幪面超人》作品，就會發現女仔一樣可以做超人，一樣可以上前線同邪魔對抗，最近推出寫真集嘅松田琉花喺《幪面超人EX-AID》中就飾演幪面超人Poppy，因而人氣急升。今年23歲嘅松田琉花清麗可人，除咗做演員同女主持，近期仲做埋歌手，更推出首本水着寫真集《RUKA / LUCA》。

今次琉花去到菲律賓宿霧取景拍攝，換上水着享受當地嘅水上活動，仲會同鯨鯊暢泳，從中可以欣賞到花妹纖巧雪白嘅胴體，亦可以感受一下佢甜美嘅笑容。回到室內，琉花會表演出浴，流露出一副惹人遐想嘅表情，話畀大家知佢唔單止賣可愛，仲可以大賣性感。