慳水慳力　刨西瓜神器

落左幾日雨，依家又熱番，有乜嘢好做？梗係食西瓜！

夏天食西瓜最煩就係要切切切，兼且搞到啲汁流晒，但大家唔使擔心，因為有好嘢介紹畀大家，就係呢個風車西瓜切塊器！呢個切塊器主要用不锈鋼製造，並且可調校每一塊西瓜厚度，只需將西瓜先切開一半，再將切塊器放在西瓜肉前面，跟住向中間一路推，就好似風車咁自動會切成一塊塊，設計安全，就算連小朋友都用得，係咪正先？