【地靈人美】橋本梨菜 黑美人侵襲夏威夷

20190525
東網電視
更多新聞短片
「日本寫真界黑鑽石」橋本梨菜最近到夏威夷玩樂,仲大玩滑浪板瑜珈添。(互聯網)
雖然話一白遮三醜,但係一身嬲黑啤銅膚色其實亦可以相當有吸引力,就好似被稱為「日本寫真界黑鑽石」嘅美人兒橋本梨菜咁,出道以來一直都係以古銅色肌膚而聞名寫真界!而梨菜本身亦係嬌俏可人,精靈又夠醒神,更重要嘅係身材激凸誘人,所以人氣與日俱增,就算話佢係新一代寫真天后亦唔過分。最近,橋本梨菜就飛到去夏威夷盡情玩樂一番!從其社交網當中,除咗可以見到梨菜喺當地優美嘅海灘玩得相當奔放,亦見到佢喺教練嘅指導之下大玩滑浪板瑜伽,而梨菜仲表示玩咗得耐戶外運動,被夏威夷嘅猛烈陽光,搞到肌膚又再黑啲,但係身材就變得更加弗同結實,不過梨菜本身已經身材火辣誘人,就算唔做呢次瑜伽,相信梨菜換上比堅尼一樣可以揮低班海灘班金髮美人。
夏威夷喺1959年成為美國第五十個州份,首府為檀香山,又稱火奴魯魯,當地除咗陽光與海灘之外,亦有唔少展示出夏威夷歷史文化以及動植物嘅博物館,例如已經有超過一百年歷史嘅威基基水族館。夏威夷由不同島嶼組成,當中嘅毛依島,除咗給予水上運動空間,亦可以畀遊人挑戰自我,去到哈雷阿卡拉山睇日出。