SWATCH BIG BOLD BAPE 6•15開賣

20190615
東網電視
更多新聞短片
BIG BOLD BAPE Planet Earth款式,錶盤印有地球圖案。(胡振文攝)
一向作風大膽和有創意的Swatch,最近推出名為BIG BOLD的全新腕錶系列,實行有咁大玩咁大!既然稱得為BIG BOLD,腕錶Size當然有番咁上下,錶殼直徑達47mm,加上超大錶冠和略大玻璃錶鏡,分量絕對十足。
不過講到最矚目設計,必定首推與BIG BOLD BAPE聯乘的特別版款式。整個系列共有6個款式,全部融入BAPE標誌性迷彩圖案,指針亦飾以猿人Logo。每款腕錶同時融入兩大品牌歷史,其中Planet Earth全球版的錶盤上更印有瑞士地圖圖案,而東京、倫敦、紐約及巴黎特別版款式,亦分別加入每個地區的特色。此系列早前在東京開賣時已引來大批潮人搶購,香港方面會於6月15日在中環及銅鑼灣專門店公開發售,本地粉絲記住飛撲去買。
假如搶唔到都唔使失望,因為仲可以揀普通版款式,其3D印花圖案錶盤夠搶眼之餘,亦呼應粒紋錶帶設計,再襯埋特大數字刻度和螢光箭頭指針,別具一番童真玩味。