太好玩！腸仔變鱆魚　

煎腸仔大家都應該食唔少，相信連廚藝不精的媽媽都可以輕鬆烹調得來，如果想幫小朋友炮製飯盒又或去野餐，想將煎腸仔製作得更為吸引，大可以跟IG＠tastemadeindonesia幫腸仔大變身。做法超簡單，將迷你腸仔一邊切開造成鱆魚觸鬚，另一邊沾滿加入茄醬的班戟粉牛奶混合物，然後脆炸至金黃色，混合物受熱膨脹成鱆魚頭部，放涼後以蛋黃醬貼上用芝士和紫菜做的眼耳口鼻，大家還可發揮創意將蛋黃醬當頭髮，夠晒搶眼！表情不一的炸鱆魚腸仔，好看又好吃，小朋友打開飯盒或餐盒，見到一定很高興。

材料：

迷你腸仔　16條

班戟粉　100克

牛奶　50毫升

茄醬　40毫升

油　少許

蛋黃醬　少許

芝士　少許

紫菜　少許

做法：

1.腸仔一半切開扮鱆魚觸鬚。

2.班戟粉、牛奶和茄醬拌勻。

3.腸仔未切的一邊浸牛奶混合物，油脆成金黃色。

4.紫菜剪成五官，利用蛋黃醬黏在腸仔上，再加芝士裝飾。