【深夜字聊】輕輕鬆鬆談性事

坊間嘅性愛指南為咗予人認真感覺，作者嘅用詞往往相當嚴肅，對文字恐懼症嘅人嚟講，咁多字，點睇呀？日本女作家阿爾蒂西亞喺《笑到噴淚！！官能女子愛愛講座》中，就以輕鬆搞笑嘅文字加上鹹味十足嘅分享，為大家帶嚟與別不同嘅性愛指南。佢喺書中表示：「我25歲以前嘅高潮能力就好似《龍珠》中對抗紅領巾軍時嘅孫悟空，而現在嘅我已經提升到可以打倒魔人布歐，解救地球嘅等級了！」貼地又搞笑嘅文字，令讀者笑到標眼水，而內容亦不失嚴肅，例如會講令男士感到銷魂嘅吹奏，唔一定好似吸塵機咁大力吸，絕對係認真得嚟又夠幽默。