救世煮之浸:瑞士汁浸雞翼

20190626
東網電視
更多新聞短片
浸,是一種將食材調味醃或煮等後再以醬汁、湯汁或滷水等浸至入味的烹調方法。(互聯網)
今時今日,唔係話要廚藝超群,煮到識飛至可以入廚,只要肯試肯煮,人人都係大廚,之不過除咗煎炒煮炸之外,大家又識唔識燒燜煀扣等烹調方法呢?其實唔需要識晒,起碼知己知彼,學多一兩道板斧,有人問起都唔會口窒窒吖麻!
--------
相信大家對「浸」這種烹調技巧相對於貼、凍、拌等更為熟悉,因為外出用膳,在餐廳食府餐牌上總有好幾道浸煮菜式,包括金銀蛋浸時蔬、油鹽水浸海產、豉油王浸雞翼等等。
何謂「浸」?其實是指將原材料加工處理後,以調味料先醃漬、煮或炸等處理,然後放入滷汁或湯汁中進行浸泡,使其入味成菜的加工過程,而經「浸」的食材零舍入味。這種烹調方法最最最大好處,是肉食不易煮過火,肉質亦能保持軟嫩,食味與口感俱佳。
今日就趁機教大家炮製一味大小朋友都愛嘗的瑞士汁浸雞翼(其實即是甜豉油雞翼),做法非常簡單,省時的話,可以直接用「瑞士汁」炮製,或自家以生抽及老抽等調製,用完記得隔油隔渣存放於凍格中,下次再用時取出直接放入煲內,加香料及醬油等煮滾即可再浸煮其他食材,甚至用來炒河粉、烏冬等麵食,一如滷水般,是一款可以「傳承」的醬汁。
瑞士汁浸雞翼
材料:
雞翼 1磅
老抽 350毫升
生抽 150毫升
雞湯 250毫升
冰糖 65克
玫瑰露酒 1茶匙
薑 適量、2片
葱 適量
做法:
1. 清水下適量薑葱煲滾,放入雞翼汆水1至2分鐘,取出過冷河。
2. 生抽、老抽、薑、雞湯、玫瑰露酒及冰糖以大火煮滾。
3. 冰糖煮溶後放入雞翼,見到醬汁再次滾起後冚蓋。
4. 煮多3分鐘後熄火,不要開蓋,浸焗多15至20分鐘即成。