【深夜字聊】初體驗就失手

20190715
東網電視
更多新聞短片
【深夜字聊】初體驗就失手(互聯網)
雖然性學家話性愛時間長短唔係重點,重點係喺過程中,男女雙方有冇獲得快感同滿足感。不過如果好似呢位男網民咁,快到女友都投訴嘅話,難怪佢會咁唔開心。佢稱:「我有個識咗成大半年嘅女友,平日我哋最親密嘅動作不外乎錫吓同摸吓,卻從來未試過有進一步嘅行為。早幾晚我同佢睇完戲後,送到佢返屋企門口,突然同佢激吻起嚟,跟住佢就拉咗我入後樓梯,然後就咁做起嚟。唔知係我心情緊張(因為驚有人經過),定係因為係第一次關係,唔夠半分鐘就完事。女友即時反應係問:『點解咁快嘅?』可能佢都知講錯咗,跟住就話下次應該會好啲,就錫咗我一啖後返屋企。我到今日都覺得勁?,平日我唔係咁㗎,呢鋪真係冇面呀!」
網友神回應:
灣伯:明白嘅明白嘅,我都有同你一樣嘅經歷。不過唔好成日回憶呢個感覺囉,因為未來仲有大把機會,你又唔係因為想啪啪啪先至同對方拍拖,咪當做係一種經驗囉。
宇宙旗艦:喺呢啲地方度做咁大膽嘅?其實男人心情緊張嘅話,表現差啲其實係情有可原,難得你女友會即刻安慰返嚟,佢咁講其實都係無心之失啫。
Jack Law:睇嚟你女友都係有經歷嘅人嚟喎。不過Anyway,佢嘅反應都好得體吖,反而係你做乜要為呢啲事而煩惱呢?既然你都話平時唔係咁,咪下次放輕鬆啲,同埋搵個合適嘅地方再嚟過囉。
Fong:其實我想知道你哋有冇用套,同埋個套係邊個嘅呢?純屬八卦,不喜勿答。