米家電動打氣機　行貨開賣

胎壓係踩車、揸車一族經常要留意的問題，小米香港就啱啱引入內地早前賣到斷貨嘅米家電動打氣機（內地型號為米家充氣寶）。配件外形似足一個外置充電池，機頂設有充氣管，可以輸出3至150psi的壓力，為水泡、球類、單車輪胎、甚至汽車輪胎充氣都冇問題。官方表示滿電後足以充滿5條汽車輪胎，而充滿1條汽車輪胎約需6分鐘。

機面設有屏幕，可以顯示實時胎壓；而且物件充至預設壓力即會停止充氣，唔怕泵爆。最重要係港紙3百蚊有找，買嚟傍身啱晒！