90s童年回憶召喚　UNIQLO《美少女戰士》UT

80s至90s年代，可以說是日本動漫於香港最火熱之時，當時10個男仔有11個都係日追夜追《足球小將》、《男兒當入樽》、《聖鬥士星矢》及《龍珠》等等日漫，咁女仔又睇咩呢？相信十居奇九都係睇1992年首播的《美少女戰士》，就算廿多年後當日「少女」已成今日「中女」，相信Fans仍然對由漫畫家武內直子筆下所創作的漫畫人物月野兔及其他水手服戰士有份深厚感情及童年回憶。是次UNIQLO就宣布將於8月23日正式推出《美少女戰士》UT聯名系列，將各位美少女戰士的肖象、變身動作以及對戰情景化成不同圖案設計，打造出8款Print Tee款式，當年曾經幻想過自己係愛與正義化身，有諗過替月行道，儆惡懲奸嘅你，點可能唔入手？