給獨男一點溫暖　菜刀麵豉湯鬧鐘

鬧鐘通常都係用敲鐘、電子音樂或是人聲等叫醒大家，日本創意設計團隊Nanka，竟然研發出一個菜刀加麵豉湯鬧鐘，究竟係咩玩法？唔通用菜刀指嚇大家起身？呢個名為JIKKALARM嘅另類鬧鐘，特別為各獨居人士而設，設計概念源自「在家起床」嘅體驗，透過智能手機調校響鬧時間，當夠鐘時，菜刀就會發出如切菜的聲音，同時會開始煲麵豉湯，情景就如你響屋企時，母親大人或太太正在製作麵豉湯嘅感覺，感覺好窩心溫暖。最搞笑係鬧鐘設有母親Mode同新婚太太Mode，母親Mode切菜聲會快同密，而新婚太太Mode切菜聲會較慢，因為新婚煮婦唔熟手咁話，認真抵死！