【靚人靚景】小倉優香　游走四國展現異色

人逢喜事精神爽，但係寫真女優紅得太快，寫真迷就唔係幾爽喇！因為女優紅咗之後，好快就會封胸唔再賣弄色相拍寫真，就好似小倉優香咁！現年只係20歲嘅小倉優香喺2017年加入寫真界，被喻為寫真界之新彗星，原因係阿妹實在太索喇！除咗擁有一副治愈感十足又充滿陽光味嘅可愛童顏，高挑身材更係屬於八頭身比例，有長腿有纖巧身段之餘，胸前嘅G奶脹卜卜又堅挺，簡直就係世間難得一見嘅惹火尤物！

優香喺寫真界紅極一時，喺藝能界亦撈得相當掂，就係咁喺7月初宣布封胸唔再拍性感寫真，而最新推出嘅寫真集《じゃじゃうま》正係封胸前最後作品，因此當然要大張旗鼓，去到阿根廷、烏拉圭、美國以及日本一共四個地方取景拍攝，在異國情調之下，盡情展露極品身材，最重要就係將自己標誌性嘅甜美笑容送畀大家！